તા.૫ મે
વાત્સલ્યમ્ સમાચાર
પ્રાદેશિક વાહન વ્યવહાર કચેરી, રાજકોટ દ્વારા HGV, ટ્રાન્સપોર્ટ વાહનો માટે GJ-03-BY સીરીઝના ગોલ્ડન, સિલ્વર કે અન્ય પસંદગીના નંબરોના રી-ઓકશન તા. ૧૦/૦૫/૨૦૨૩થી શરુ થશે. પસંદગીના નંબર મેળવવા ઇચ્છુકે ઓનલાઈન http://parivahan.gov.in/fancy પર તેમના વાહનનું રજિસ્ટ્રેશન કરવાનું રહેશે.
નવી સીરીઝના ગોલ્ડન, સિલ્વર કે અન્ય પસંદગી નંબર મેળવવા માટે તા. ૧૦/૦૫/૨૦૨૩થી તા. ૧૨/૦૫/૨૦૨૩ સુધી ઓનલાઈન એપ્લીકેશન કરવાની રહેશે. તેમજ તા. ૧૨/૦૫/૨૦૨૩થી ૧૪/૦૫/૨૦૨૩ના રોજ સાંજે ૦૪:૦૦ કલાક સુધી ઓનલાઈન ઓકશન ચાલુ રહેશે. બિડિંગ પ્રક્રિયા પુર્ણ થયા બાદ તા. ૧૫/૦૫/૨૦૨૩ના રોજ કચેરીમાં ફોર્મ જમા કરાવવાના રહેશે.
ઉલ્લેખનીય છે કે રજીસ્ટ્રેશન કરાવવા ઉમેદવારે સૌ પ્રથમ parivahan.gov.in પર જઈ ઓનલાઇન સર્વિસ પર કિલક કરવું, ત્યારબાદ fancy number booking પર ક્લિક કરી પબ્લિક યુઝર પસંદ કરી આઈ. ડી બનાવવું. ત્યારબાદ સી.એન.એ. ફોર્મ ઓનલાઇન ભરવું અને પસંદગીના નંબરમાં દર્શાવેલી ઓછામાં ઓછી ફી ભરવી. ફી ભરાયા બાદ હરાજીમાં ભાગ લઈ, હરાજીમાં નંબર મેળવ્યા બાદ પાંચ દિવસમાં હરાજીની બાકીની રકમ ભરવી. જે બાદ આર.ટી.ઓ.ની અપૃવલ લઈ નંબર મેળવવો.
વાહનનું રજીસ્ટ્રેશન કરાયેલું હોવું જરૂરી છે. વાહન ખરીદીના સાત દિવસમાં અરજદારે સી.એન.એ. ફોર્મ ઓનલાઈન ભરેલ હોવું ફરજીયાત છે. સમયમર્યાદા બહારની અરજી માન્ય ગણવામાં આવશે નહીં. જેની નોંધ લેવા પ્રાદેશિક વાહન વ્યવહાર અધિકારીશ્રી, રાજકોટની યાદીમાં જણાવાયું છે.
