તા.૧૫ ફેબ્રુઆરી
વાત્સલ્યમ્ સમાચાર
અમુ સિંગલ જેતપુર
દરરોજ પાણી વિતરણનો ચૂંટણી સમયનો વાયદો જૂમલો સાબિત થયો
ઘર વપરાશના PNG ગેસની પાઇપ લાઇન ના વર્ષોથી અટકાવાયેલ કે અટકેલ કામ બાબતે કોઈ ચર્ચા જ નહીં
વર્ષો પહેલા બનાવવાનમાં આવેલ શાક માર્કેટનો પ્રશ્ન અધ્ધરતાલે , શાકભાજીની રેકડીઓ જાહેર માર્ગ પર અડચણ રૂપ જેમની તેમ..
ભુતીયા નળ કનેક્શન ધારકોને પેનલ્ટી અને દંડ જ્યારે નબળું કામ કરનાર કોન્ટ્રાક્ટરને ભયો ભયો…
જેતપુર નવાગઢ નગરપાલિકા ૨૦૧૭ ની ચુંટણી માં ચૂંટાયેલ લોક પ્રતિનિધિઓના છેલ્લા જનરલ બોર્ડ માં વર્ષ ૨૦૨૩-૨૪નું બ જેટ રજૂ કરવામાં આવ્યું હતું. જે બહુમત સભ્યો દ્વારા મંજુર કરવામાં આવ્યુ હતુ, ત્યારે પાલિકાના શાસક પક્ષ ભાજપ દ્વારા મંજૂર કરવામાં આવેલ બજેટમાં એકાદ મુદ્દાને બાદ કરતાં ગરીબ અને મધ્યમ વર્ગના લોકો માટે આ બજેટ નિરાશાજનક રહ્યું નું નિષ્ણાંતો માં ચર્ચાએ જોર પકડ્યું હતું. જેતપુર નગરપાલિકાની અંદર શાસક પક્ષ દ્વારા કુલ મળીને ૧૦૬ કરોડનું ૩૯ લાખની પુરાંતવાળુ બજેટ રજૂ કરવામાં આવ્યું હતું. . છેલ્લા વર્ષની અંદર નગરપાલિકા દ્વારા રોડ રસ્તા લાઈટ પાણીની અંદર કરોડો રૂપિયાનો ખર્ચ કરવામાં આવ્યો હોવા છતાં પણ લોકોને સારી પ્રાથમિક સુવિધા નથી મળી રહી. જેથી કરીને નગરપાલિકાના શાસકો લોકોની સુખાકારીમાં વધારો કરવામાં નિષ્ફળ ગયા હોવા અંગે જેતપુરના શહેરીજનો અને બુદ્ધિજીવીઓમાં ચર્ચા વ્યાપી છે
જેતપુર નગરપાલીકાના વર્તમાન સતાધિશોની ટર્મ આગામી વર્ષે પૂર્ણ થતી હોવાથી વર્ષ ૨૦૨૩ માં નગરપાલિકાની સામાન્ય ચૂંટણી આવી રહી છે. આથી સતાધીશોએ કાગળ પર ફૂલ ગુલાબી દેખાય તેવું વિકાસલક્ષી બજેટ રજૂ કર્યું છે. કારોબારી ચેરમેન જેસુખભાઈ ગુજરાતીએ વર્ષ ૨૦૨૩-૨૪ માટેનું બજેટ રજૂ કર્યું હતું.
જેતપુર નગરપાલીકાના વર્તમાન સતાધિશોની ટર્મ આગામી વર્ષે પૂર્ણ થતી હોવાથી આ વર્ષ ૨૦૨૩માં નગરપાલિકાની સામાન્ય ચૂંટણી આવી રહી છે. આથી સતાધીશોએ કાગળ પર ફૂલ ગુલાબી દેખાય તેવું વિકાસલક્ષી બજેટ રજૂ કર્યું છે.
જેમાં જેતપુર નગરપાલિકાનું વર્ષ ૨૩-૨૪નું ૧,૦૬,૭૭,૪૨૦૦૦ની સામે ૧,૦૬,૩૮,૪૨૦૦૦ ખર્ચે ધરાવતું ૩૯,૦૦૦૦ રૂપિયાની પુરાંતલક્ષી બજેટ સર્વાનુમતે મંજુરી દર્શાવવામાં આવી છે. આ મોટા ભાગની આવક ગ્રાન્ટની જ દર્શાવવામાં આવી છે.જેમાં 36 કિમી માં પથરાયેલ જેતપુર શહેર સીટી બસ ની સુવિધા પ્રથમ તબક્કે 6 બસોની વહીવટી મંજૂરીની દરખાસ્ત મુકેલ છે . શહેરનાં ભુતીયા નળ કનેક્શન સામે નગરપાલિકા દ્વારા ઝુંબેશ ચલાવવા આવશે.. જેમાં પેનલ્ટી ભરી રેગ્યુલાઇઝ કરવા જણાવવામાં આવ્યું છે. પછાત વિસ્તારોમાં ૨૦ ટકા ગ્રાન્ટો દ્વારા વિકાસ કાર્યો કરવાનું નક્કી કરેલ છે .. (જોવાનું રહ્યુ !) ઉપરાત શહેરમાં રખડતા – રઝળતા ઢોર માટે સરકાર પાસેથી 20 હજાર ચોરસ મીટર ગૌચરની જમીનની માંગણી કરી મંજૂર થયે વાડાઓ ઉભા કરવામાં આવશે. આ સહિત વિકસીત વિસ્તારોમાં પાણીની લાઈન, ઘનકચરના સ્ટેન્ડ , કલેક્શન વધારવા , નવા રસ્તાઓ પાકા બનાવવા , નગરપાલિકા હસ્તકની સ્કૂલ માટે જરૂરી સાધનો વિકસાવવા , લાઈબ્રેરીમાં નવા પુસ્તકો ખરીદવા , મુક્તિધામ સુધારણા , બાગ બગીચામાં રમતના સાધનો ખરીદવા, સોલિડ વેસ્ટ ડંપીંગ ઝોન માટે, શહેરી સડક અને રોડ રિસરફેસીંગ માટે અન્ય વિકાસના કામો માટેનું ભવિષ્યનું આયોજન કરવામાં આવેલ છે.
આમ જેતપુર નગરપાલિકાનું વર્ષ ૨૩-૨૪નું ૧,૦૬,૭૭,૪૨૦૦૦ની સામે ૧,૦૬,૩૮,૪૨૦૦૦ ખર્ચે ધરાવતું ૩૯,૦૦૦૦ રૂપિયાની પુરાંતલક્ષી બજેટ સર્વાનુમતે મંજુર કરવામાં આવ્યું હતું પરતું આ બજેટને સતાધીશોએ બહાલી તો આપી દીધી પરંતુ શહેરના બુદ્ધિજીવીઓ લોકોમાં ચર્ચા પણ જોવા મળી છે જેમાં ચૂંટણી સમયે આપેલા દરરોજ પાણી વિતરણ ના વચનોનું સુરસુરિયું આ છેલ્લા જનરલ બોર્ડ માં જોવા મળ્યું છે ..જેતપુરના સીમાડે આવીને અટકેલી ઘરેલુ પીએનજી ગેસ ની અટકેલી પાઇપલાઇન વિશે સત્તાધારી પક્ષ અને વિરોધ પક્ષે ચર્ચા સુધા કરી નહીં તેમજ જેતપુર નો મુખ્ય પ્રશ્નો શાર્ક માર્કેટ જેનો પ્રશ્ન પણ અધ્ધતાલે, રેકડી વાળાઓ તેમજ ફેરિયાઓ રોડ પર જ (અડચણ રૂપ) રહેશે..
