વાત્સલ્યમ સમાચાર
મદન વૈષ્ણવ | નવસારી
નવસારી જિલ્લામાં આજે રવિવારે 06 પોઝીટીવ કેસ સામે આવ્યા છે. જેમાં ચીખલી તાલુકામાં 02,ગણદેવી તાલુકામાં 02, અને જલાલપોરમાં 02 કેસ નોંધાયા જ્યારે 4 દર્દીઓ સાજા થતાં તેમને રજા આપવામાં આવી.
નવસારી આરોગ્ય વિભાગ પાસેથી મળતી માહિતી મુજબ જિલ્લામાંથી આજે 463 શંકાસ્પદ દર્દીઓના સેમ્પલ લેવામાં આવ્યા હતા, જેમાં 06 દર્દીઓના સેમ્પલ કોરોના પોઝીટીવ નોંધાયા છે, જેમાં ગણદેવી તાલુકામાં 2 કેસ નોંધાયા જેમાં દરજી વાસ વિસ્તારમાં રહેતા 54 વર્ષીય પુરુષ અને ઊંડાચ ગામની 18 વર્ષીય યુવતી, જ્યારે ચીખલી તાલુકાનાં બે કેસસામે આવ્યા જેમા બલવાળા ગામનાં 23 વર્ષીય પુરુષ અને તેજલાવ ગામના 58 વર્ષીય વૃધ્ધ,જ્યારે જલાલપોર તાલુકાના 2 કેસ, જેમાં વિજલપોર વિસ્તારમાં રહેતા 29 વર્ષીય પુરુષ અને દીપલા ગામે રહેતી 38 વર્ષીય મહિલાનું રિપોર્ટ પોઝિટિવ નોંધાતા જિલ્લામાં એક્ટિવ કેસ ની સંખ્યા 19 પર પહોંચી , જ્યારે 4 દર્દીઓ સાજા થતાં તેમને રજા આપવામાં આવી.
