વિશ્વગુરુએ ડંકો વગાડી દીધો !

વિકાસ આ રીતે જ થાય ! કલ્પના કરો કે એક કરોડ ગુજરાતીઓ વિશ્વગુરુના વિકાસ માટે પહેલાં પાંચ હજાર રૂપિયા ભરે તો વીજળી કંપનીને એમાંથી કેટલા પૈસા મળે? પાંચ હજાર કરોટ રૂપિયા ! હવે વીજળી કંપની બીજું કશું ન કરે અને એ પૈસા કોઈક બેંકમાં રોકે તો? તો વિશ્વગુરુ કેટલા સમૃદ્ધ થાય?

અમેરિકનોને આ આવડતું નથી. એ મારા વહાલા પહેલાં વીજળી વાપરવા દે. પછી જો તમે બીલ ન ભરો તો તમે બીલ ભરો એની રાહ જુએ ! બીલ ભલેને પેલી રાજકુમારી કે પેલા રાજકુમારની જેમ રાતે ન વધે એટલું દિવસે અને દિવસે ન વધે એટલું રાતે કેમ ન વધે. પછી પણ તમે બીલ ન ભરો તો તમને બેત્રણ વાર નોટિસ આપે. પછી ય તમે બીલ ન ભરો તો એ લોકો બીલ પઠાણી ઉઘરાણી કરતી એજન્સીઓને મોકલી આપે. અને એ એજન્સીઓ તમારા બારણે આવે ત્યારે તમે એમ કહો કે મારી પાસે પૈસા નથી પણ હું હપ્તેથી ભરી દઇશ. તો તરત જ તમને હપ્તા કરી આપે. એ પણ વગર વ્યાજે.

અમેરિકા સાચે જ બહુ પછાત છે. ત્યાં ગરીબો બહુ વસે છે. એટલે એમને પહેલેથી વીજળી ખરીદવાનું પરવડતું નથી ! ખરેખર વિશ્વગુરુએ ડંકો વગાડી દીધો !rs [સૌજન્ય : બાબુ સુથાર, સર્જક, ભાષાવિજ્ઞાની. Philadelphia, USA]