હળવદ તાલુકા પંચાયત ખાતે તાલુકા કક્ષાનો મારી માટી મારો દેશ કાર્યક્રમ યોજાયો
ધારાસભ્યશ્રી પ્રકાશભાઈ વરમોરા સહિતનાએ શિલાફલકમનું અનાવરણ કરી, માટીને વંદન કરીને તિરંગાને સલામી આપી
મોરબી જિલ્લાની હળવદ તાલુકા પંચાયત ખાતે ગત તા.૧૭-૦૮-૨૦૨૩ના રોજ હળવદ તાલુકા કક્ષાના મારી માટી મારો દેશ કાર્યક્રમની ઉજવણી કરવામાં આવી હતી.
હાલ સમગ્ર દેશમાં મારી માટે મારો દેશ કાર્યક્રમ યોજાઇ રહ્યા છે. જેના ભાગરૂપે મોરબી જિલ્લામાં પણ વિવિધ કાર્યક્રમો યોજાઈ રહ્યા છે. ત્યારે હળવદ તાલુકા પંચાયત ખાતે ધારાસભ્યશ્રી પ્રકાશભાઈ વરમોરાની પ્રેરક ઉપસ્થિતિમાં મારી માટે મારો દેશ કાર્યક્રમની રંગે ચંગે ઉજવણી કરવામાં આવી હતી.
આ પ્રસંગે ધારાસભ્યશ્રી સાથે સર્વે મહાનુભાવોએ શિલાફલકમનું અનાવરણ કર્યું હતું. કળશમાં માટી અર્પણ કરી માટીને વંદન કરીને તિરંગાને સલામી આપી હતી. ઉપસ્થિત સર્વોએ પંચ પ્રાણ પ્રતિજ્ઞા લીધી હતી
આ કાર્યક્રમ દરમિયાન તાલુકા પંચાયત કચેરી ખાતે મુલાકાતીઓ માટે નવનિર્મિત પ્રતીક્ષાકક્ષ કમ લાઈબ્રેરીનું લોકાર્પણ કરવામાં આવ્યું.
આ પ્રસંગે ધારાસભ્યશ્રી સાથે તાલુકા વિકાસ અધિકારીશ્રી મેહુલભાઈ સિંધવ, મામલતદારશ્રી ચિંતન આચાર્ય, હળવદ માર્કેટીંગ યાર્ડના પ્રમુખશ્રી રાજનીભાઈ સંઘાણી નિલેશભાઈ ગામી, સહિત સ્થાનિક પદાધિકારીશ્રી/અધિકારીશ્રીઓ સહિત બહોળી સંખ્યામાં નાગરિકો ઉપસ્થિત રહ્યા હતા.
