ચીખલી તાલુકાના રાનકુવા ગામે પોસ્ટ ઓફીસ પાસે મુખ્ય રસ્તાની બાજુમાં અસહ્ય દુર્ગંધ મારતી ગંદકીનું સામ્રાજ્ય

ગટર વ્યવસ્થાના અભાવે પોસ્ટ ઓફિસની બાજુમાં bsnl ઓફીસ પાસે વરસાદી લીલવાળા પાણીનો ભરાવો રોગચાળો ફેલાવવાની દહેશત

વાત્સલ્યમ્ સમાચાર
અંબાલાલ પટેલ – ચીખલી

ચીખલી તાલુકાના રાનકુવા ગામે પોસ્ટ ઓફિસની સામે અસહ્ય દુર્ગંધ મારતી ખદબદતી ગંદકી જોવા મળી રહી છે પોસ્ટ ઓફિસની બાજુમાં મુખ્ય રસ્તા પર પડેલો કચરો અસહ્ય દુર્ગંધ મારતો હોવાને કારણે અહીંથી પસાર થતા રાહદારીઓ માટે માથાનો દુખાવો બની રહ્યો છે જે સ્વચ્છતા અભિયાનના લિરા લિરા ઉડતા જોવા મળી રહ્યા છે સ્વચ્છતા અભ્યાન અંતર્ગત સરકાર દ્વારા ગ્રામ પંચાયતોને મોટી ગ્રાન્ટ આપતું હોય તેમજ કચરા નિકાલ માટે ઇ રિક્ષા આપવા છતાં રાનકુવા ખાતે ગ્રામ પંચાયતના અંધેર વહીવટને કારણે ગંદકીનું સામ્રાજ્ય ઉભું થવા પામ્યું હોય જેને કારણે ગ્રામજનોમાં રોષ જોવા મળી રહ્યો છે તેમજ તંત્ર દ્વારા પાણીના નિકલને લઈ કોઈ વ્યવસ્થા ન હોવાને કારણે પોસ્ટ ઓફિસની બાજુમાં આવેલ bsnl ઓફીસની બાજુમાં વરસાદી પાણીનો ભરાવો થઈ રહ્યો છે જેને કારણે તળાવ નિર્માણ થવા પામ્યું છે જે પાણીમાં ગંદકી અને લીલ બજેલી જોવા મળી રહી છે જે રોગચાળો ફેલાવવાની દહેશત અહીંના વિસ્તારના રહીશોમાં ફેલાઈ છે.