ટંકારા : ટંકારા માં નવા ગ્રામ પંચાયતના મકાનના હોલમાં “ગ્રામ સભા” યોજાયેલ. આયોજન કરવામાં આવ્યું હતું
ગ્રામસભા માં સો.ચો.વાર ના પ્લોટ ફાળવવા માટે લાભાર્થીઓ નો ધસારો જોવા મળ્યો હતો, ડિઝાસ્ટર મેનેજમેન્ટ દ્વારા ચોમાસાના વરસાદી પાણીનાં નિકાલ અને ભુગર્ભ ગટર કરવી, ચોમાસા પહેલાં સર્વિસ રોડ અને ફૂટપાથ કરવા માટે સત્વરે યોગ્ય કાર્યવાહી કરવા પર ગ્રામ જનોએ રજુઆત કરેલ.
પિવાના પાણીની રજુઆત ને ધ્યાને લઈ વ્યવસ્થા વધુ સુદઢ બને તેની પણ ગ્રામ સભામાં ચર્ચા થઈ હતી.હમીરભાઇ માલધારી એ ગૌચર ની જમીન પર થયેલ દબાણ દુર કરવા રજુઆત કરી હતી. હિમાની બહેન પરમારે સબ સેંટર ટંકારા-૩ની જગ્યા ફાળવવા રજુઆત કરી હતી. સામાજીક કાર્યકર હેમંતભાઈ ચાવડા દ્વારા ટંકારાના મુખ્ય પ્રવેશદ્વાર એવા” નગરનાકે ” સરકાર શ્રી ની વિકાસની યોજનાંમાંથી સુશોભીત ગેઈટ બનાવવો તેમજ સી. સી.રોડ બનાવી “નગરનાકા”ની શાન વધારવા લેખીત રજુઆત કરી હતી ટંકારા ના સરકારી ખરાબાના સર્વે નંબર “૭૦૫” માં “લોક હિતે”બે હેકટર જમીન તાત્કાલિક મંજુર કરી જાહેર હરરાજી થી રાહત દરે નાના અને મધ્યમ વર્ગના લોકોને “ઘરનુ ઘર” મળી રહે તે હેતુથી ૧૦૦ ચો.વાર.ના પ્લોટ ની ફાળવણી કરી તેમાંથી થતી આવક ગ્રામ પંચાયત ના વિકાસના કામોમાં ઉપયોગી બને તેવી લેખીત માં રજુઆત કરી હતી.આજની ગ્રામસભા માં જાગૃત લોકોની બહોળી સંખ્યા જોવા મળી હતી. ગ્રામજનો એ હોંશભેર ભાગ લીધો હતો. અને પોતાના પ્રશ્નો રજુ કર્યા હતા. સરપંચ ગોરધન સાહેબે સંતોષ કારક જવાબો રજુ કર્યા હતા.ગ્રામ સભાનું સુચારૂ સંચાલન ટંકારાના તલાટી કમ મંત્રી હરદેવસિંહ જાડેજા એ કર્યું હતું.અને સરપંચ ગોરધનભાઇ ,ઉપસરપંચ શ્રીમતી નિર્મળા બહેન ચાવડા, જિલ્લા પંચાયતનાં સદસ્ય ભુપતભાઈ ગોધાણી, તાલુકા પંચાયત સદસ્ય પ્રતિનિધિ ભાવિન ભાઈ સેજપાલ, સદસ્ય રસિકભાઈ , અરજણ ભાઈ, હેમંતભાઈ ચાવડા તેમજ નાયબ જીલ્લા ખેતીવાડી અધિકારી હાજર રહ્યા હતા..
