તા.૭ એપ્રિલ
વાત્સલ્યમ્ સમાચાર
અમુ સિંગલ જેતપુર
નેશનલ હાઈવે ઓથોરિટી ઓફ ઇન્ડિયા રોડ ટ્રાન્સપોર્ટ, રાજકોટ કચેરીના શાપર-વેરાવળ પોલીસ સ્ટેશનની હદ વિસ્તારમાંથી પસાર થતાં રાજકોટ-જેતપુરને જોડતા નેશનલ હાઇવે રોડ નં. ૨૭ તથા રાજકોટ રૂડા રીંગ રોડ-૨ના જોડાણ પારડી કોરાટ ચોક ખાતે થાય છે. જ્યાં સમારકામ કરવાનું હોય જિલ્લા મેજીસ્ટ્રેટ શ્રી પ્રભવ જોશી દ્વારા વૈકલ્પિક રૂટ માટે હુકમ કરવામાં આવેલ છે.
જેમાં હયાત રૂટ રાજકોટ રૂડા રીંગરોડ-૨ કટારીયા ચોકડી તરફથી કોરાટ ચોક તરફ આવતા વાહનોને ગોંડલ તરફ જવા વૈકલ્પિક રૂટ રાજકોટ રૂડા રીંગ રોડ-૨ પર આવેલ ટીલાળા ચોકથી પાળ ગામ થઈ રાવકી ગામથી સાંગણવા ગામથી પસાર થતા લોધીકા-રીબડા રોડ પર થઈ રીબડા ચોકડી તરફ ડાયવર્ટ કરી નેશનલ હાઇવે પર તેમજ રાજકોટ તરફ ડાયવર્ટ કરવા રાજકોટ રૂડા રીંગ રોડ-૨ પર આવેલ ટીલાળા ચોકથી વગળ ચોક થઈ પુનિતના ટાંકા પાસેથી ૧૫૦ ફૂટ રીંગ રોડ તરફ ડાયવર્ટ કરી નેશનલ હાઇવે પર જવાનું રહેશે.
રાજકોટ રૂડા રીંગ રોડ-૨ માલિયાસણ ગામ બાયપાસ તરફથી કોરાટ ચોક તરફ આવતા વાહનોને ગોંડલ તરફ ડાયવર્ટ કરવા રાજકોટ રૂડા રીંગરોડ-૨ પર આવેલ ખોખરદળ ચોકડી (સરદાર ચોક તથા શુભ પાર્ટી પ્લોટ) થી કોઠારીયા કોટડા સાંગાણી રોડ પર નારણકા ચોકડી થઇ રીબડા ફાટક થઈ રીબડા ચોકડી તરફ ડાયવર્ટ કરી નેશનલ હાઇવે પર જવાનું તથા રાજકોટ તરફ ડાયવર્ટ કરવા ખોખડદળ ચોકડી( સરદાર ચોક તથા શુભ પાર્ટી પ્લોટ) થી કોઠારીયા ગામ થઈ રાજકોટ હુડકો ચોકડી તરફ ડાયવર્ટ કરી નેશનલ હાઈવે પર જવાનું રહેશે.
રાજકોટ- પોરબંદર નેશનલ હાઇવે રાજકોટ શહેર તરફથી આવતા વાહનોને નેશનલ હાઇવે રોડના મેઈન ટ્રેક પછી ડાયવર્ટ કરી રાજકોટ-પોરબંદર નેશનલ હાઇવે કાંગશીયાળી સીમ ટોયોટા શો-રૂમ પાસે પડતા સર્વિસ રોડના ખાચામાંથી સર્વિસ રોડ પર ઉતારી પારડી ઓવરબ્રિજ પાસે સર્વિસ રોડ પૂર્ણ થાય છે ત્યાંથી પારડી ઓવરબ્રિજ પર ચડાવી નેશનલ હાઇવે પર જવાનું અને પોરબંદર તરફથી આવતા વાહનોને નેશનલ હાઇવે રોડના મેઈન ટ્રેક પરથી ડાયવર્ટ કરી હાઈવે પારડી પુલ પર ઉતરી તેજસ્વી હનુમાન મંદિર પાસેથી પસાર થતા સર્વિસ રોડ પર ઉતારી કલ્પવન સોસાયટીના પાટિયા પાસે સર્વિસ રોડ પૂર્ણ થાય છે ત્યાંથી નેશનલ હાઇ-વે રોડ પર ચડાવી નેશનલ હાઇવે પર જવાનું રહેશે. પોલીસ તેમજ ઈમરજન્સી વાહનોને આ પ્રતિબંધ લાગુ પડશે નહીં. આ હુકમનો ભંગ કરનાર શિક્ષાને પાત્ર રહેશે.
